وتەبێژی وەزارەتی ئەوقاف و كاروباری ئایینیی حكوومەتی هەرێمی كوردستان رایگەیاند، کە لە چەند شوێنێكی جیاوازی كوردستان، چاودێریی بینینی مانگ دەكەن و لەسەر بنەما و بەڵگە شەرعییەكان، بڕیار لەسەر دیاریكردنی یەكەم ڕۆژی مانگی ڕەمەزانی پیرۆز دەدەن.
نەبەز ئیسماعیل، وتەبێژی وەزارەتی ئەوقاف و كاروباری ئایینیی حكوومەتی هەرێمی كوردستان، بە ئاژانسی ھەواڵی زاگرۆسی راگەیاند:ئەمرۆ یەکشممە ١٠ی٣ی٢٠٢٤ لیژنەی باڵای بینینی مانگ كۆ دەبێتەوە، هەروەها لیژنەی باڵای بینینی مانگ بە هاوئاهەنگی لەگەڵ لیژنە لاوەكییەكان لە پارێزگا و ئیدارە سەربەخۆكانی هەرێمی كوردستان، بەمەبەستی دیاریكردنی یەكەمین ڕۆژی مانگی ڕەمەزانی پیرۆز كۆ دەبنەوە.
ھەروەھا نەبەز ئیسماعیل، وتەبێژی وەزارەتی ئەوقاف و کاروباری ئاینی ھەرێمی کوردستان ئەوەشی بۆ ئاژانسی ھەواڵی زاگرۆس خستەروو، کە لە چەند شوێنێكی جیاوازی كوردستان، چاودێریی بینینی مانگ دەكەن و لەسەر بنەما و بەڵگە شەرعییەكان، بڕیار لەسەر دیاریكردنی یەكەم ڕۆژی مانگی ڕەمەزانی پیرۆز دەدەن.
بەپێی لێكدانەوە زانستییەكان رۆژی دووشەم یەكەم رۆژی رەمەزانە، شیعەكانیش سێشەمیان كردووەتە یەكەم رۆژی رەمەزان. رێباز یونس