ئاراس جبار شارەزای بواری كەشناسی بڵاویكردەوە: لە ئەنجامی چالاكبوونی بای باكوری رۆژئاوا لە پارێزگای نەینەواوە شەپۆلێكی مامناوەندی خۆڵبارین دروستبووە كە بە ئاراستەی باكەوە چەند كاتژمێری داھاتوو خۆڵبارینەكە دەگوازێتەوە بۆ ناوچەكانی ناوەراست و رۆژئاوای عێراق و كاریگەری لەسەر ناوچەكانی ھەرێمی كوردستان نابێت بەگشتی ئاراستەی با لەناوچەكانی ھەرێمی كوردستان باكوری رۆژھەڵاتە پێچەوانەی ئەو بایە كە خۆڵبارینەكەی دروستكردوە .
ووتیشی: لەچەند كاتژمێری داھاتوو بەتایبەت لە ئێوارەی ئەمڕۆوە بای باكوری رۆژھەڵات بەخێراییەكی زۆر لەنێوان 20-60 كم لە كاتژمێرێكدا لەسنوری پارێزگای سلێمانی و ناوچە شاخاویەكانی رۆژھەڵاتی ھەرێم چالاك ئەبێت كە بایەكی وشك و زۆر سارد و بەستووە پلەكانی گەرما بۆ سفر و خوار سفر نزمدەبنەوە لە زۆربەی ناوچەكاندا ، كاریگەری ئەم بایە سبەی یەكشەمە 15/12/2024 لەنیوەرۆوە كەمدەبێتەوە.