ئەندامەکی ئەنجومەنا نینەرێن عێراقی ل فراکسیۆنا پارتی دیموکراتی کوردستان راگەهاند، کو من چاڤ بوەزیرێ بازرگانێ عیراقێ گەفت وپشتی من بابەت بۆ شلوڤەکری سۆز دامن یەک روژ ژی ئەرزاقێ کەسێ راناگریت ژبەر نەبوونا کارتا نشتیمانی.
چیای تەیموور، ئەندامی ئەنجومەنا نینەرێن عێراقی ل فراکسیۆنا پارتی دیموکراتی کوردستان، ب ئاژانسا نوچەیا زاگرۆس راگەهاند: دەرئەنجامێ ئەو فشارا من لسەر هەردوو وەزارەتێن ناڤخو و وەزارەتا بازرگانیا یێن عیراقێ کری دەربارەی دەرئیانا کارتا نشتیمانی و خاڤیا برێڤەچونا وێ، و گرێدانا هەبوونا وێ بدرئینان ونویکرنا بەلگێن دی وەکو موولەتا شوفێریێ و پاسەپورتێ و تومارکرنا ترومبێلان، وتەنانەت پێتاکا ئاهێن خوارنێ ژی، و بتایبەت پشتی کومکرنا ئیمزا(٨٥) پەرلەمانتاران کارکرن بناسناما بارێن کەسایەتی حەتا دەرئینانا کارتا نشتیمانی بۆ هەموو خەلکێ شێخان، لروژا چوار شەمبیێ من چاڤ بوەزیرێ بازرگانێ عیراقێ گەفت وپشتی من بابەت بۆ شلوڤەکری سۆز دامن یەک روژ ژی ئەرزاقێ کەسێ راناگریت ژبەر نەبوونا کارتا نشتیمانی.
هەروەسا چیای تەیموور، ئەندامی ئەنجومەنا نینەرێن عێراقی ل فراکسیۆنا پارتی دیموکراتی کوردستان ئەڤ چەندیش بۆ ئاژانسا نوچەیا زاگرۆس دیارکر ، کو من سەرا رێڤەبەرێ نڤیسینگەها وەزیری دا لیوا ئەحمەد جواد و دگەڵ رێڤەبەرێ کارتا نشتیمانیا هەموو عیراقێ لیوا ئەحمد حدید دوو جاران بتەلەفونێ ئاخفتیم سۆزدا بۆ چارەسەرکرنا گرفنتێ بکەن و دێ تیمێن مەزن یێن گەروک هنێرنە شێخان بۆ چارەسەریا کێشێ ونوکە رێڤەپەرێ گشتی یێ ناسنامە و پاسەپورت و مانەڤەیا عیراقێ لیواء نشٲت و لیوا ئەحمەد جواد بتەلەفونێ دگەل من ئاخفتن و وئەو چەند دوو پاتکر کو دێ لحەفتیا بهێت ئەو تیمەک مەزن گەهیته سەنتەرێ شێخان و لبنگەهێ وەرزش لاوان دێ کارێن دەرئینانا کارتا نشتیمانی کەن.
رێباز یونس