دەستەی وەبەرهێنانی هەرێمی کوردستان ئاشكرای دەكات، لەشەش مانگی یەكەمی ئەمساڵدا بە سەرمایەی زیاتر لە ملیارێک و 254 ملیۆن دۆلار مۆڵەت بە 79 پڕۆژەی جیاجیای وەبەرهێنان لە هەرێمی كوردستان دراوە.
د.محەمەد شوکری، سەرۆکی دەستەی وەبەرهێنان رایگەیاند: “لە شەش مانگی یەكەمی ئەمساڵدا لە سێکتەرە جیاوازەکاندا مۆڵەتمان بە 79 پرۆژە داوە.”
ئاماژەی بەوەش دا: “ئەو 79 پرۆژەیەی مۆڵەتیان پێدراوە، بە بەهای ملیارێک و 254 ملیۆن و 385 هەزار دۆلارە.”
سەرۆكی دەستەی وەبەرهێنان جەختی كردەوە: ئەو مۆڵەتانەی دراون دڵخۆشکەرن لە بواری دروستکردنی پڕۆژەی نوێ لە سەرتاسەری هەرێمی کوردستاندا.