ئەو شەپۆلە بەفربارینەی لە دەروازەی نێودەوڵەتی حاجی ئۆمەران باریوە و پاکردنەوەی تەواوی دەروازە لە لایەن تیمەکانی بەشی خزمەتگوزاری بۆکراوە، جموجۆڵی بازرگانی و گەشتیاری بەردەوامی هەیە.
سیروان حوسێن، وتەبێژی دەروازەی نێودەوڵەتیی حاجی ئۆمەران، بە ئاژانسی ھەواڵی زاگرۆسی ڕاگەیاند: ئەو شەپۆلە بەفربارینەی لە دەروازەی نێودەوڵەتی حاجی ئۆمەران باریوە و پاکردنەوەی تەواوی دەروازە لە لایەن تیمەکانی بەشی خزمەتگوزاری بۆکراوە هیچ رێگریەکی و ئاستەنگەکی دروست نە کردووە بۆ هاتووچۆی بازرگانی و گەشتیاری.
هەروەها سیروان حوسێن، وتەبێژی دەروازەی نێودەوڵەتیی حاجی ئۆمەران ئەوەشی بۆ ئاژانسی ھەواڵی زاگرۆس خستەروو، کە جموجۆڵی بازرگانی و گەشتیاری بەردەوامی هەیە لە نێوان دەروازەی نێودەوڵەتی حاجی ئۆمەران و دەروازەی تەمەرچینی ئێران.
رێباز یونس
