بەمەبەستی کەمکردنەوەی کاریگەرییەکانی گۆڕانی کەشوهەوا لە چوارچێوەی ماستەرپلانی شاری هەولێردا، بڕیارە ملیۆنان داری فستق و زەیتوون لە دەوروبەری شاری هەولێر بڕوێندرێن.
کارزان هادی، سەرۆکی شارەوانی هەولێر، رایگەیاند،” پشتێنە سەوزایی بە شێوەی بازنەیی بە چواردەوری هەولێردا دەسووڕێتەوە لەگەڵ دروستکردنی زیاتر لە 10 گۆمی دەستکرد بۆ ئاودانی دارەکان، ئێستا قۆناغی یەکەمی لە بواری جێبەجێ کردندایە.
گوتیشی: قۆناغی یەکەمی پێشتێنەی سەوزایی شاری هەولێر، ڕووبەرەکەی 12 هەزار و 900 دۆنمە، ئێستا لە سەرەتاکانی پشتێنەی سەوزایی هەولێرێین، لەلایەن کۆمپانیایەکی ناوخۆوە جێبەجێ دەکرێت.
باسی لەوەشکرد: ئەو پرۆژانە پرۆژەی ستراتیجین، هاوشێوەی پرۆژەی ئاوی فریاگوزاری خێرا، پرۆژەی کارەبای رووناکی، بەهەمان شێوە پشتێنەی سەوزیش ستراتیجییە، بۆیە خوێندنەوەی زیاتری بۆ دەکرێت.