ڕەمەزان ڕەحیمی، ئەندامی کۆمیسیۆنی پەروەردەی پەرلەمانی ئێران ئاشکرای کرد، ژمارەی مامۆستایانی قوتابخانەکانی ئێران 176 هەزار کەس کەمتر لە ژمارەی پێویستە.
ڕەحیمی دەڵێت بۆ قەرەبووکردنەوەی بەشێک لەم کورتهێنانە بڕیار دراوە لە مامۆستایانی خانەنشین کەڵک وەربگیردرێتەوە.
وەزارەتی پەروەردەی ئێران بۆ پێشگیری لە کورتهێنانی ژمارەی مامۆستایان هەوڵی داوە بە بڕیارێک پێش به خانەنشینبوونی پێشوەختەی ئەو مامۆستایانە بگرێت تەمەنیان لە 60 ساڵ کەمترە و لە 30 ساڵ کەمتریش خزمەتی تۆمارکراویان هەیە.