فوئاد حوسێن، وەزیری دەرەوەی عێراق له لێدوانێکی رۆژنامەوانیدا له پەراوێزی کۆڕبەندی وزەی بەغدا گوتی، بەمزووانه هەولێر و بەغدا دەگەنه لێکگەیشتن.
فوئاد حوسێن گوتی: گفتوگۆکانی نێوان هەولێر و بەغدا لەسەر هەناردەکردنەوەی نەوت و داهاتی نانەوتی زۆر چوونەتەپێش و بەمزووانه دەگەنه لێکگەیشتن.
ئاشکراشی کرد: کێشەی هەناردەکردنەوەی نەوت سێ قۆڵییه و پێموایه له چەند رۆژی داهاتوو چارەسەر دەکرێت.
ئاماژەشی دا: هیوادارین راپۆرتی کۆتایی له کۆبوونەوەی رۆژی سێشەممەی ئەنجومەنی وەزیرانی عێراق بخرێتەڕوو و بڕیاری لەسەر بدرێت.