ڕۆژی چوارشەممە رێکەوتی 10.9.2025 بەئامادەبوونی ئومێد خۆشناو پارێزگاری هەولێرو سەرۆكی یەكێتی زانایانی ئاینی ئیسلامی لە كوردستان و سەرۆکی زانکۆی سەلاحەددین و سەرۆکی زانکۆی پۆلوتەکنیک و بەرێوبەری گشتی ئەوقافی هەولێر و پەرلەمانتارو مامۆستایانی ئاینی و راگرو مامۆستایانی کۆلێژو قوتابیان، کۆلێژی زانستە ئیسلامیەکان بەهاوبەشی لەگەل ڕێکخرای مەلا ئەمین بۆ چاپ و لێکۆلینەوە ، بەبۆنەی یادی لەدایک بوونی سەروەری مرۆڤایەتی، پێغەمبەر (محمد) دروودی خوای لەسەربێت، حەوتەمین کۆنفرانسی زانستی خۆی، لەژێر ناونیشانی (سۆز ومیهرەبانی لەڕوانگەی سوننەتی پێغەمبەر) دا، لە کۆلێژی زانستە ئیسلامییەکان ئەنجامدا …
شایەنی وتنە كۆنفراسێكی ئەكادیمی زانستیە و توێژینەوەكانیش کە 22 توێژینەوەیە بۆ بواری زانستە شەرعی و ئیسلامیەکان و ژیاننامەو سونتەکانی پێغەمبەر تەرخانكراوەو ساڵانە ئەم كۆنفراسە ساز دەكرێت.
لەلایەن خۆیەوە، پارێزگارى هەولێر، دەستخۆشى لە ڕاگر و مامۆستیان و سەرپەرشتیار و ڕێکخەرانى کۆنفرانس کرد و، ئومێدى خواست ڕاسپاردە و پێشنیار و بڕیارەکەنى کۆنفرانس ببێتە هۆى بەرەوپێشبردن و خزمەتکردنى زیاترى قوتابیان.