بەڕێز خوناڤ ئەمین، نوێنەری دەزگای خێرخوازیی بارزانی لە ئەمەریكا، لە فێستیڤاڵێكی تایبەت بە كوردان لە شاری ناشڤێڵی پایتەختی ویلایەتی تێنیسی، كتێبی فێربوونی زمانی كوردی، بەسەر منداڵانی بەشداربوونی فێستیڤاڵەكە دابەش كرد.
فێستیڤاڵەكە لەلایەن سەنتەری “ناشڤیل”ی کۆنفیدراسیۆنی ڕەوەندی کوردستانی تایبەت بە كوردان لەو شارە رێكخرابوو. شاری ناشڤیل پایتەختی ویلایەتی تێنیسیە و لە ڕێكەوتی ٩ـى ئەیلوولی ٢٠٢٣، بە فەرمی لە چوارچێوەی لێكتێگەیشتنێك لەگەڵ پارێزگای هەولێر، وەك دەستەخوشكی هەولێر ناسراوە.
