ئەندامی ئەنجومەنی نوێنەرانی عێراق لە فراكسیۆنی پارتی دیموكراتی كوردستان، لەگەڵ پارێزگاری نەینەوا و بەڕێوەبەری گشتی دابەشکردنی کارەبا و ئاو کۆدەبێتەوە و ڕەزامەندی لەسەر پڕۆژە خزمەتگوزارییەکانی پەیوەست بە گوندەکانی خەزەر وەردەگرێت.
دوای کۆبوونەوەکەی لەگەڵ موختاری و نوێنەرانی گوندەکانی ئەلخەزیر لە ناوچەی حەمدانیە، پەرلەمانتار شێروان دۆباردانی بە جیا لەگەڵ پارێزگاری نەینەوا و بەڕێوەبەری گشتی دابەشکردنی کارەبای باکوور و بەڕێوەبەری ئاوی نەینەوا کۆبووەوە بە ئامانجی بەدەستهێنانی ڕەزامەندییان بۆ پڕۆژە خزمەتگوزارییەکانی گوندەکانی خەزیر.
لەمبارەیەوە شێروان دووبەردانی، ئەندامی ئەنجومەنی نوێنەرانی عێراق لە فراكسیۆنی پارتی دیموكراتی كوردستان، بە ئاژانسی هەواڵی زاگرۆسی راگەیاند: دوای کۆبوونەوەکەمان لەگەڵ موختارەکان و نوێنەرانی گوندەکان هەروەها لە وەڵامی داواکارییەکانی خەڵکەکەمان لە گوندەکانی ئەلخەزەر، ڕەزامەندی فەرمی بەدەست هێنرا بۆ جێبەجێکردنی پڕۆژەکانی پەیوەست بە ڕێگاوبان و شەقامەکان و دامەزراندن و نۆژەنکردنەوەی قوتابخانەکان و پەرەپێدانی تۆڕی کارەبایی لە ترانسفۆرمەرەکان و تەل وایەر و ڕووناککردنەوە و هەڵکەندنی بیرەکان و گەیاندنی ئاوی خواردنەوە و دامەزراندنی ئاوەڕۆی ڕووی لە گوندەکانی بەدنە و ئەلمانکەبە و تەل ئەسوەد شوینەکانی تر.
هەروەها شێروان دووبەردانی، ئەندامی ئەنجومەنی نوێنەرانی عێراق لە فراكسیۆنی پارتی دیموكراتی كوردستان ئەوەشی بۆ ئاژانسی هەواڵی زاگرۆس خستەروو، کە خزمەتکردنی هەموو خەڵکی موسڵ و نەینەوا بە گشتی بەردەوام دەبین بە بی جیاوازی کردن لە نێوان هەموو نەتەواکان و ئاینەکاندا.
رێباز یونس
