دوای ئەوەی لە ڕۆژی شەممە 29/11/2025 ژمارەیەک ئاژاوەگێڕ لە گوندی لاجانی قەزای خەباتی پارێزگای هەولێر هەوڵیان دا پەلاماری دەزگا حکومی و فەرمانگە خزمەتگوزارییەکان و پاڵاوگەی نەوت بدەن و بەو هۆیەوە تەقەکردن ڕوویدا و لە ئەنجامدا هاووڵاتییەک شەهید بوو هاوکات پێشمەرگەیەکمان بە ناوی (ئارمان سەنار ڕەشید) بریندار بوو، بەداخەوە بەرەبەیانی ئەمڕۆ پێنجشەممە، بەهۆی سەختی برینەکەیەوە شەهید بوو.
بەناوی فەرماندە و سەرجەم ئەفسەر و پێشمەرگەكانی فەرماندەییمانەوە پرسە و سەرەخۆشیی خۆمان ئاراستەی بنەماڵەی شەهید دەكەین، لەخوای گەورە داواكارین بە بەهەشتی بەرینی خۆی شادی بكات و سێبووریش بە هەموومان ببەخشێ.
فەرماندەیی پێشمەرگەی زێرەڤانی
4/12/2025