ئێوارەی ئەمڕۆ سێشەممە 2025.12.9، ئومێد خۆشناو، پارێزگاری هه‌ولێر لە پەیوەندییەکی تەلەفۆنیدا لەگەڵ هەڤاڵ ئەبوبەكر، پارێزگارى سلێمانی، سەبارەت بە و شەپۆلی بارانبارینەو لافاوەی لە سنووری قەزای چەمچەماڵ و ناحیەکانی دروستبووە لە نیوەڕۆی ئەمڕۆوە، كە بەهۆیەوە جگە لە زیانی مادی، بەداخەوە دوو کەسیش گیانیان لەدەستداوە. وێڕای ھاوخەمی پارێزگا و خەڵکی شارى هەولێر، سەرەخۆشی لە خانەواده و كه‌سوكاری هه‌ردوو قوربانییه‌كه كرد و ئامادەیی پارێزگاى هەولێر و تیمى فەرمانگە پەیوەندیدارەکانى نیشاندا، بۆ ھەرچی پشتیوانی و پێویستى و هاوکارییە بۆ قەزای چەمچەماڵ و سنووری ناحیەکانی و کەمکردنەوەی زیانەکان.
هەروەها لە پەیوەندیەكی تردا لەگەڵ جەلال نوری، سەرپەرشتیاری ئیدارەی سەربەخۆی گەرمیان، هەموو هاریكارییەكی پارێزگای هەولێری دووپاتكردەوە و ئامادەیی هەرەچی پێویستەیەكی هەیانبێت نیشاندا.