بەڕێزان/ بەڕێوەبەر و ستافی بەڕێوەبردن و هونەرکاران و سەرجەم کارمەندانی رادیۆی موسڵ
بە بۆنەی (۱۷)یەمین ساڵیادی دامەزراندنی (رادیۆی موسڵ) پیرۆزباییەکی گەرم لە ئێوەی هێژا و بیسەرانی ئازیزی رادیۆکەتان دەکەین، ئومێدەوارین بۆ ساڵی داهاتوو لە هەموو ڕوویەکەوە بەرەوپێش بچن و زیاتر خزمەتی بواری ڕاگەیاندن و ڕۆشنبیری بکەن و لە ئاست ئەو ئەرکە پیرۆزەتان دابن.
(ڕادیۆی موسڵ) لە ماوەی تەمەنی کارکردنیدا لە ڕێی
گەیاندنی پەیامە نیشتمانییەکانی و بەرجەستەکردنی ئەرک و پلانەکانی بێوچان رۆڵی دیار و بەرچاوی هەبووە لە خستنەڕووی خواست و ویستی هاووڵاتییان و پرسە نەتەوەیی و نیشتمانی و ڕۆشنبیرییەکان لەو پارێزگایە و دەوروبەری.
لەو دەرفەتەدا وێڕای ئەوەی کار و کارنامەی ئێوە بەرز دەنرخێنین، پاڵپشتیی خۆمان بۆ زیاتر پێشکەوتنی (ڕادیۆی موسڵ) دووپات دەکەینەوە و هەر بەردەوام و سەرکەوتوو بن.
بەشی ڕۆشنبیری و ڕاگەیاندنی پارتی دیموکراتی کوردستان
۱٥ی کانوونی یەکەمی ۲۰۲٥