درەنگانی شەوی رابردوو لە گەڕەکی حوریەی شاری کەرکووک، رووداوێکی کوشتن روویدا و تێیدا برایەک خوشکە تەمەن ٣٢ ساڵانەکەی خۆی بە چەقۆ کوشت.
بەپێی زانیارییە سەرەتاییەکان، رووداوەکە بەهۆی کێشەیەکی کۆمەڵایەتییەوە بووە. بکوژەکە بە چەقۆ هێرشی کردووەتە سەر خوشکەکەی و بەهۆی سەختی برینەکەیەوە، ژنەکە دەستبەجێ گیانی لەدەستداوە.
هێزە ئەمنییەکان گەیشتوونەتە شوێنی رووداوەکە و دەستیان بە لێکۆڵینەوە کردووە، هەروەها تەرمی ژنەکە گواستراوەتەوە بۆ پزیشکی دادوەریی کەرکووک.
تاوەکو ئێستا لایەنە پەیوەندیدارەکانی کەرکووک بە فەرمی وردەکاری زیاتریان لەسەر دەستگیرکردنی تۆمەتبارەکە و هۆکاری سەرەکی کێشەکە ڕانەگەیاندووە.