ئەمڕۆ هەینی، ١٥ـی ئایاری ٢٠٢٦، بەبۆنەی یەکەمین ساڵوەگەڕی یەکگرتنی یەکێتی قوتابیان و لاوانی دیموکراتی کوردستان، بەشی چالاکیی وەرزشی مەکتەبی سکرتاریەت ماراسۆنێکی سێ کیلۆمەتریی لە شاری هەولێر ڕێکخست.
شڤان مەحمود، سکرتێری یەکێتی قوتابیان و لاوانی دیموکراتی کوردستان با ئاژانسی هەوالی زاگرۆسی راگەیاند، زیاتر لە هەزار قوتابی و لاو لە چین و توێژە جیاوازەکان بەشدارییان تێدا کرد.
شڤان مەحمود لە پەراوێزی چالاکییەکەدا ڕایگەیاند، ئەم ماراسۆنە وەک ئاماژەیەک بۆ هێزی یەکگرتوویی و گرنگیدان بە تواناکانی لاوان و وەرزش لە یەکەمین ساڵوەگەڕی یەکگرتنی هەردوو رێکخراوەکە ئەنجامدراوە.
ماراسۆنەکە بە مەودای سێ کیلۆمەتر لەناو شاری هەولێر بەڕێوەچوو، لە کۆتایی مەراسیمەکەشدا، خەڵاتی ڕێزلێنان و سەرکەوتن پێشکەش بە بەشداربووانی پلەی یەکەم، دووەم و سێیەم کرا.
