بەڕێوەبەرایەتی هاتوچۆی کۆیە ڕایگەیاند، شەوی ڕابردوو ڕووداوێکی هاتوچۆ لە سنووری قەزاکە ڕوویداوە و بەهۆیەوە بریندار و زیانی ماددی لێکەوتووەتەوە.
بەپێی زانیارییەکانی هاتوچۆی کۆیە، ڕووداوەکە لە گەڕەکی “عەلیاوە” بووە؛ کاتێک ئۆتۆمبێلێکی جۆری تایبەت بەهۆی لەدەستدانی کۆنتڕۆڵەوە لە ڕێڕەوی خۆی لایداوە و بەسەختی خۆی کێشاوە بە دیواری حەوشەی ماڵێکدا.
هەر بەپێی ڕاگەیەندراوەکە، لە ئەنجامی ڕووداوەکەدا شۆفێری ئۆتۆمبێلەکە بریندار بووە و بۆ وەرگرتنی چارەسەر گەیەندراوەتە نەخۆشخانە، جگە لە زیانی گیانی، زیانێکی زۆری ماددیش بەر ئۆتۆمبێلەکە و دیواری ماڵەکە کەوتووە.
تیمەکانی هاتوچۆ دەستبەجێ گەیشتوونەتە شوێنی ڕووداوەکە و لێکۆڵینەوەیان لە هۆکار و چۆنیەتی ڕووداوەکە دەستپێکردووە.