لەگەڵ ئەوەی بەشێکی زۆری خانمان لەکۆمەڵگەی ئێمە ماکیاژ دەکەن بە تایبەتی لەکاتی چوون بۆ دەوام یاخود لە بۆنەکان بەڵام دەبێت ئاگاداری ئەوەبن لەگەڵ ئەوەی ماکیاژ لەوانەیە جوانیەکیان پێ ببەخشێت ، بەڵام زۆر بەکارھێنانی زیان بە خانمان دەگەینێت .
لەم بابەتە بە کورتی تیشک دەخەینە سەر گرنگترین زیانەکانی ماکیاژ کردن :
• زۆربەی ماکیاژەکان لە مادەی کیمیاوی دروست دەکرێن و ئەمەش دەبێتە ھۆی ئەوەی زیان بە رووخساری خانمان بگەینن و دەبێتە ھۆی تێکچوونی پێستی رووخسار .
• ھەندێک لە جۆرەکانی جوانکاری ھەندێک جۆری زەیت لە خۆ دەگرێت ، ئەم زەیتانەش کاریگەری نەرێنیان لەسەر چاوی مرۆڤ ھەیە و تووشی سووربوونەوەی دەکەن .
• ھەندێک لە جۆرەکانی ماکیاژ دەبنە ھۆی درز بردنی رووخسار و ھەروەھا دەرکەوتنی چرچ و لۆچی و ھەندێک جاریش پێستەکەی تووشی خورانی بەردەوام دەبێت .
• ھەندێک جۆری ماکیاژ دەبێتەھۆی داخرانی کونەکانی پێستی رووخسار و ئەمەش دەبێتە ھۆکارێک بۆ دەرکەوتنی زیپکە و قینچکە .
• ھەندێک جۆری ماکیاژ دەبێتە ھۆی ئاوسانی پێستی رووخسار و ھەندێکیان لەمەودای دوور دەبنە ھۆی نەخۆشی شێرپەنجە .