وەزارەتی بەرگریی ئیمارات ڕایگەیاند، کە دوێنێ لە گەرووی هورمز، هێزەکانی ئێران بە مووشەکی کرووز هێرشیان کردووەتە سەر دوو کەشتیی نەوتهەڵگریان.
لە ئەنجامی هێرشەکەدا، دەریاوانێکی بەڕەگەز هیندی کوژراوە و هەشت دەریاوانی دیکەش بریندار بوون.
وەزارەتی بەرگری ئیمارات دووپاتی کردەوە کە مافی وەڵامدانەوەی هەر هێرشێکیان پارێزراوە و سوپای وڵاتەکەش لە دۆخی ئامادەباشیدایە.
لەلایەکی دیکەوە، سوپای پاسدارانی ئێران بەرپرسیارێتیی خۆی لە هێرشەکە ڕاگەیاند و ئاماژەی بەوە کرد: هەردوو کەشتییەکە سیستمی دیاریکردنی شوێنیان (GPS) کوژاندبووەوە و بە ڕێڕەوی قەدەغەکراودا لە گەرووی هورمزدا دەڕۆیشتن، هەر بۆیە کراونەتە ئامانج.