ئاگرکەوتنەوەیەک زیانی مادی بە پڕۆژەیەکی هێلکەی خواردن دەگەیەنێت و خاوەنەکەی بریندار دەکات.
ئەمڕۆ ڕووداوێکی ئاگرکەوتنەوە لە سنووری ناحیەکانی قوشتەپە و شەمامک ڕوویدا و لە ئەنجامدا زیانی مادی بە بەشێک لە پڕۆژەی «هێلکەی خواردنی شەدار» کەوت.
بەپێی زانیارییەکان، لە ئاکامی ئاگرەکەدا، خاوەنی پڕۆژەکە بریندار بووە، بەڵام باری تەندروستی جێگیرە و مەترسی لەسەر ژیانی نییە. خۆشبەختانە جگە لە زیانە مادییەکان، ڕووداوەکە هیچ زیانی گیانیی تری لێ نەکەوتووەتەوە.