حکومەتی ئەمریکا بە فەرمی دانی بەوەدا نا کە چەند ئاژانسێکی فیدراڵی و گرنگی وڵاتەکە جارێکی تر بوونەتە ئامانجی هێرشێکی ئەلیکترۆنیی بەرفراوان و سیستمەکانیان هاککراون بەپێی ڕاپۆرتێکی نوێی پێگەی تێک کڕانچ ئاژانسی ئاسایشی ژێرخان و ئاسایشی سایبەریی ئەمریکا ناسراو بە CISA لەگەڵ نووسینگەی لێکۆڵینەوەی فیدراڵی FBI دەستیان بە لێکۆڵینەوەی بەپەلە کردووە بۆ دیاریکردنی قەبارەی ئەو داتایانەی کە دزەیان پێکراوە و دۆزینەوەی ئەو درزە ئەمنییانەی کە هاککەرەکان بەکاریان هێناوە بۆ چوونە ناو سیستمەکان
ئەم هێرشە نوێیە دڵەڕاوکێی زۆری لە ناوەندە ئەمنییەکاندا دروستکردووە چونکە لە کاتێکدا دێت کە دامەزراوە حکومییەکانی ئەمریکا لە ژێر چاودێرییەکی تونددان و پێشتر چەندین پڕۆژەی تێچووبەر بۆ پاراستنی هێڵەکان جێبەجێ کراون پسپۆڕانی بواری سایبەر ئاماژە بەوە دەکەن کە بەهۆی زیادبوونی گرژییە جیۆپۆلەتیکییەکان لە جیهاندا هێرشی گرووپە هاککەرە نێودەوڵەتییەکان بۆ سەر بنکە دراوەکانی ئەمریکا بە ڕێژەیەکی بەرچاو زیادی کردووە و ئەم ڕووداوەش پاڵەپەستۆیەکی زۆر دەخاتە سەر کۆشکی سپی بۆ گرتنەبەری ڕێوشوێنی توندتر و گۆڕینی بنەڕەتیی سیستمی بەرگریی ئەلیکترۆنیی وڵاتەکە.