فەرماندەیی ناوەندیی هێزەکانی ئەمریکا (سێنتکۆم) ڕایگەیاند کە ڕێڕەوی باشووری گەرووی هورمز بەڕووی کەشتییە بازرگانییەکاندا کراوەیە، تا بە شێوەیەکی سەلامەت پرۆسەی گواستنەوەی نەوت، گاز و کاڵا بازرگانییەکان ئەنجام بدەن.
بەپێی ڕاگەیەندراوەکەی سێنتکۆم، لە سێ مانگی ڕابردوودا هاوکاری و کارئاسانی بۆ زیاتر لە ٣ هەزار کەشتی بازرگانی کراوە. لە هەمان کاتدا ئاماژە بەوە کراوە کە لە ١٤ی تەمووزەوە تاوەکو ئێستا، ڕێگری لە چوون و دەرچوونی ٤٥ کەشتی لە بەندەرەکانی ئێران کراوە.
ئەم پێشهاتە لە کاتێکدا دێت کە عومان و ئێران لە گفتوگۆداندایە بۆ کردنەوەی تەواوەتی گەرووی هورمز.
لە لایەکی ترەوە، بەهۆی دەستپێکردنەوەی گفتوگۆ ناڕاستەوخۆکانی نێوان واشنتن و تاران، بۆردوومانەکانی ئەمریکا بۆ سەر ئامانجەکان ڕاوەستاون.
کردنەوەی ئەم ڕێڕەوە ئەگەری هەیە ببێتە هۆی کەمکردنەوەی گرژییە ئابووری و سەربازییەکان لە ناوچەکەدا و ئاسانکاری بۆ بزوتنەوەی بازرگانی جیهانی لە ڕێگەی ئەم دەروازە ستراتیژییەوە بکات.