لە هەنگاوێکی مێژوویدا بۆ گۆڕینی هاوسەنگییە ئەمنییەکانی ناوچەکە، هەر سێ وڵاتی تورکیا، عەرەبستانی سعوودی و پاکستان ڕێککەوتننامەیەکی ستراتیژیی بەرگرییان واژوو کرد.
ئەمڕۆ هەینی، لە مەراسیمێکی فەرمیدا بە ئامادەبوونی ڕەجەب تەیب ئەردۆغان سەرۆک کۆماری تورکیا، محەمەد بن سەلمان شازادەی جێنشینی سعوودیە و شەهباز شەریف سەرۆک وەزیرانی پاکستان، “ڕێککەوتننامەی بەرگریی سێقۆڵی” لە نێوان ئەو سێ وڵاتەدا واژوو کرا.
گرنگترین خاڵەکانی ڕێککەوتننامەکە:
- لە دەقی ڕێککەوتنەکەدا هاتووە کە هەر هێرشێکی چەکداری بۆ سەر هەر یەکێک لەو سێ وڵاتە، وەک هێرش بۆ سەر هەموو لایەک ئەژمار دەکرێت و وڵاتانی تر پابەند دەبن بە بەرگری لێکردنی.
- ئامانجی سەرەکی ئەم ڕێککەوتنە پەرەپێدانی توانای ڕێگریی بەکۆمەڵە لە بەرامبەر هەر جۆرە دەستدرێژی و هەڕەشەیەکی دەرەکی.
- ڕێککەوتنەکە جەخت لە پەرەپێدانی هاوکارییە سەربازی و بەرگرییەکان دەکاتەوە لە هەموو ڕەهەندەکاندا، لەوانە پیشەسازیی بەرگری، مەشق و ڕاهێنان، و ئاڵوگۆڕی هەواڵگری.
ئەم هاوپەیمانییە نوێیە وەک وەرچەرخانێکی گەورە لە پەیوەندییەکانی نێوان ئەنقەرە، ڕیاز و ئیسلام ئاباد دەبینرێت، کە ئامانج لێی دروستکردنی بلۆکێکی سەربازیی بەهێزە بۆ پاراستنی سەقامگیری و بەرژەوەندییە ستراتیژییەکانی ئەو سێ وڵاتە لە ناوچەکەدا.
سهرچاوه: AA