وەزارەتی پەروەردەی حکومەتی هەرێمی کوردستان گشتاندنێکی ئاڕاستەی سەرجەم بەڕێوەبەرایەتییە گشتییەکانی پەروەردە (هەولێر، سلێمانی، دهۆک، هەڵەبجە، گەرمیان، زاخۆ، سۆران و ڕاپەڕین) کرد سەبارەت بە پرۆسەی ڕاهێنان لە ناوەندەکانی خوێندن.
بەپێی گشتاندنەکە کە ئیمزای ئالان حەمەسەعید ساڵح، وەزیری پەروەردەی لەسەرە، ئەو مامۆستایانەی وەک مامۆستای ڕاهێنەر کار دەکەن بۆ ئاسانکاری لە کارەکەیان و بە مەبەستی کارئاسانی بەهۆی دووری شوێنی نیشتەجێبوونیان، دەتوانن لەو قوتابخانانەی لە شوێنی جوگرافییان نزیکە خولەکە ببینن.
مەرجی بەشداریبوونەکە بریتییە لە تەواوکردنی خولەکە بە فۆڕمێک کە واژووی مامۆستای ڕاهێنەر و بەڕێوەبەری قوتابخانەکەی لەسەر بێت، پاشان وێنەیەکی بدرێتە بەشی ڕاهێنان و پەروەردەدان لەگەڵ مامۆستای ڕاهێنەری قوتابخانەکەی خۆیی و بەڕێوەبەری قوتابخانەکەی خۆی بە مەبەستی دلنیا بوونەوە لە بەشداریکردن.