ئه‌ڤرۆ ڕۆژا چوارشه‌مبی ٩ێ ئه‌یلولا ٢٠٢٦ێ ب ئاماده‌بونا به‌ڕێز”د.عه‌لی ته‌ته‌ر”پارێزگارێ دهوكێ” و به‌ڕێزان”شمعون شلیمون ایشو”جێگرێ پارێزگارێ دهوكێ و هژماره‌كا قایمقام و ڕێڤه‌به‌ر و نوینه‌رێن ڕێكخراوان كۆمبۆنه‌ك لدور پشته‌ڤانیكرنا پڕۆژێ بلندكرنا ڕێژا به‌شداریكرن و سه‌ركردایه‌تیا ژنێن گه‌نج د بوارێ مروڤایه‌تی دا و د پلاندانان و به‌رسڤدانا كاره‌ساتان دا ل پارێزگه‌ها دهوكێ هاته ئه‌نجامدان.
پڕۆژه ژلایێ ڕێكخراوا نافخویی یا “Better World” ب هه‌ماهه‌نگی دگه‌ل ناڤه‌ندا هه‌ڤبه‌شا هه‌ماهه‌نگییا قه‌یرانان ل وه‌زاره‌تا نافخو یا حكۆمه‌تا هه‌رێما كۆردستانێ و ئیدارا پارێزگه‌ها دهوكێ و ڕێڤه‌به‌رییا كوچ و كوچبه‌را و به‌رسڤدانا قه‌یرانان ل دهوكێ و ئه‌نجومه‌نێ بلند یێ ئافره‌تان ب پشته‌ڤانییا “UN WOMEN”ل سنورێن ده‌ڤه‌ردارییێن دهوك و سێمێل و شێخان و به‌رده‌ره‌ش و ئامێدییێ دهێته ئه‌نجامدان.
به‌ڕێز پارێزگارێ دهوكێ د په‌یڤه‌كێ دا به‌حس ل ڕول و شیانێن ژنێ د ئه‌رك و كار و د بوارێن جودادا و گرنگییا هه‌ڤسه‌نگییا كاری د داموزه‌دگه‌هاندا كر و ئاماژه ب ڕۆلێ هژماره‌كا ژنێن به‌رپرس و ڕێڤه‌به‌ر ل سنورێ پارێزگه‌ها دهۆكێ دا پاش ده‌ستخوشی ل رێخه‌رێن پڕۆژه‌ی كر و پشته‌ڤانییا ئیدارا پارێزگه‌هێ بو سه‌رخستنا پڕۆژێ ناڤبری دوپاتكر.