وەزیری وزەی ئەمریکا رایگەیاند، ئێران لەگەڵ ئاژانسی وزەی ئەتۆم شەفاف نییە و سووریاش پابەندە بە رێسا نێودەوڵەتییەکان.
ئەمڕۆ دووشەممە، 14ـی ئەیلوولی 2026، کریس رایت، وەزیری وزەی ئەمریکا لە لێدوانێکی رۆژنامەوانیدا گوتی، ئێران بە شەفافییەتەوە لەگەڵ ئاژانسی نێودەوڵەتیی وزەی ئەتۆم مامەڵە ناکات.
کریس رایت ئاماژەی بەوەش دا “دەبێت ئێران بە تەواوی هاوکاریی ئاژانسی نێودەوڵەتی وزەی ئەتۆم بکات.”
لەبارەی سووریاشەوە روونیکردەوە، دیمەشق هەنگاوی گرنگی بۆ پابەندبوون بە رێسا نێودەوڵەتییەکان ناوە.
ئەمڕۆ دووشەممە، رافایل گڕۆسی، بەڕێوەبەری گشتیی ئاژانسی نێودەوڵەتیی وزەی ئەتۆم داوای لە ئێران کرد هاوکارییەکانی لەگەڵ ئاژانسەکە دەست پێ بکاتەوە. گڕۆسی دووپاتیکردەوە، چارەسەرکردنی پرسەکانی پەیوەست بە بەرنامەی ئەتۆمی و بەدیهێنانی متمانە و سەقامگیری تەنیا لە رێگەی کاری هاوبەشەوە دەبێت.