ئەمڕۆ، بەهۆی هاتنی نزمەپاڵەپەستۆی دەریای سپیی ناوەڕاست بۆ سەر ناوچەکە، کەشوهەوای هەرێمی کوردستان ناجێگیریی بەخۆیەوە بینیوە و شەپۆلێکی بارانبارین دەستی پێکردووە.
بەپێی زانیارییەکانی کەشناسی، لە ئێستادا بارانبارین سنووری پارێزگای دهۆک و ئیدارەی سەربەخۆی زاخۆی گرتووەتەوە. هاوکات بەشێوەیەکی لاواز و نمەبارانی پچڕپچڕ لە سنووری پارێزگاکانی هەولێر و سلێمانی و ئیدارەی سەربەخۆی سۆرانیش دەستی پێکردووە.
هەر بەپێی پێشبینییەکان، بۆ کاتەکانی دوانیوەڕۆی ئەمڕۆش بارانبارین بە شێوەی پچڕپچڕ لەسەر بەشێک لە ناوچە جیاوازەکانی هەرێمی کوردستان بەردەوام دەبێت.