ئه‌ڤرۆ ڕۆژا سێشه‌مبی ٦ێ چریا ئێكێ یا ٢٠٢٦ێ ب چاڤدێری و ئاماده‌بونا به‌ڕێز”د.عه‌لی ته‌ته‌ر”پارێزگارێ دهوكێ و به‌ڕێزان” دژوار شه‌وكه‌ت”ده‌ڤه‌ردارێ سێمێلێ و “سه‌گڤان حه‌سه‌ن “ڕێڤه‌به‌رێ گشتییێ په‌روه‌ردا دهوكێ و ڕێڤه‌به‌رێن گشتی یێن وه‌به‌رهێنانێ و باژێرڤانییا و هژماره‌كا ماموستا و ڕێڤه‌به‌رێن داموده‌زگاییێن جودا,قوتابخانا ٢٧ڕێزی یا “گوندێ فڕه‌نسی٢” ل سنورێ ده‌ڤه‌ردارییا سێمێلێ هاته ڤه‌كرن كۆ ژلایێ وه‌به‌رهێنه‌ر”له‌زگین گیزی”ب شێوه‌كێ سه‌رده‌میانه هاتیه ئاڤاكرن.
به‌ڕێز پارێزگارێ دهوكێ د كونگره‌كێ ڕۆژنامه‌ڤانیدا دادیار كرن كۆ ل نێزیك هژماره‌كا قوتابخانێن دی ل سنورێ پارێزگه‌ها دهوكێ و ده‌ڤه‌ردارییێن ب سه‌رڤه دێ هێنه ڤه‌كرن و ده‌ستخوشی ل وه‌به‌رهینه‌ری كر و خواست وه‌به‌رهێنه‌رێن پارێزگه‌ها دهوكێ به‌رده‌وامییێ ب ئاڤاكرن و نوژه‌نككرنا قوتابخانه‌یان بده‌ن ب تایبه‌ت ل جهێن یه‌كێن ئاكنجیبونێ و ڕاگه‌هاند ژی كۆ د به‌ڕنامێ حكومه‌تا هه‌رێما كوردستانێ دایه ئه‌و قوتابخانێن د قوناغێن دوماهییێ یێن ئاڤاكرنێدا بهێنه ته‌ماكرن و بكه‌ڤنه دخزمه‌تا كه‌رتێ په‌روه‌ردێ دا.