بەڕێوەبەرایەتیی گشتیی کەشناسی و بوومەلەرزەزانیی هەرێمی کوردستان پێشبینییەکانی کەشوهەوای بۆ 48 کاتژمێری داهاتوو ڕاگەیاند، بەپێی پێشبینییەکان ئەمڕۆ لە هەندێک ناوچە تاوەبارانی پچڕپچڕ و بروسکە دەبێت و سبەینێش کەشوهەوا جێگیر دەبێتەوە.
کەشی پێشبینیکراوی ئەمڕۆ هەینی (09-10-2026):
ئاسمان لە زۆربەی کاتەکاندا نیمچەهەور دەبێت و لە هەندێک ناوچەش دەگۆڕێت بۆ هەوری تەواو، هاوکات ئەگەری بروسکە و تاوەبارانی کورتخایەن بە شێوەی پچڕپچڕ لە ناوچە جیاجیاکاندا هەیە. لە کاتەکانی شەودا کاریگەریی ئەم شەپۆلە لاواز دەبێت و کەشوهەوا ئاسایی دەبێتەوە.
پلەکانی گەرما نزیک دەبنەوە لە تۆمارەکانی دوێنێ، خێرایی با لەسەرخۆ بۆ مامناوەند دەبێت (10 – 20 کم/ک) بە ئاراستەی باکووری خۆرئاوا، و مەودای بینین لەنێوان 8 بۆ 10 کیلۆمەتردا دەبێت.
کەشی پێشبینیکراوی سبەی شەممە (10-10-2026):
ئاسمان بەگشتی لە نێوان پەڵەهەور و نیمچەهەوردا دەبێت. پلەکانی گەرما کەمێک بەرز دەبنەوە یان نزیک دەبن لە تۆمارەکانی ئەمڕۆ، خێرایی با بە هەمان شێوە لەسەرخۆ بۆ مامناوەند (10 – 20 کم/ک) بە ئاراستەی باکووری خۆرئاوا دەمێنێتەوە و مەودای بینین 8 بۆ 10 کیلۆمەتر دەبێت.
بەرزترین پلەکانی گەرمای پێشبینیکراو بە پلەی سیلیزی:
-
هەولێر: ئەمڕۆ 30 | سبەی 31
-
سلێمانی: ئەمڕۆ 28 | سبەی 30
-
دهۆک: ئەمڕۆ 29 | سبەی 29
-
هەڵەبجە: ئەمڕۆ 31 | سبەی 31
-
گەرمیان: ئەمڕۆ 36 | سبەی 37
-
زاخۆ: ئەمڕۆ 30 | سبەی 30
-
چەمچەماڵ: ئەمڕۆ 31 | سبەی 32
-
ئاکرێ: ئەمڕۆ 30 | سبەی 30
-
سۆران: ئەمڕۆ 30 | سبەی 30
-
پیرمام: ئەمڕۆ 28 | سبەی 28
-
حاجی ئۆمەران: ئەمڕۆ 21 | سبەی 22