ئه‌ڤرۆ ڕۆژا پێنجشه‌مبی ٢٢ێ چریا ئێكێ یا ٢٠٢٦ێ به‌ڕێز”د.عه‌لی ته‌ته‌ر “پارێزگارێ دهوكێ پێشوازی ل ده‌سته‌یا كارگێری و ڕاهێنه‌ر و یاریكه‌رێن یانا سه‌نحاریب یا كچان یا ڤوڵیبۆڵێ كر.
د كۆنگره‌كێ ڕۆژنامه‌ڤانیدا به‌ڕێز پارێزگارێ دهوكێ پیرۆزباهی ل یانا ناڤبری كر كۆ شیایی د ماوێ چار سالاندا سێجاران ناسناڤێ خولێن عیراقێ بده‌ستڤه‌بینیت هه‌روه‌سان پشته‌ڤانییا خۆ بو یانێ دادیاركرن كۆ بریاره ل خولا رۆژئاڤایێ ئاسیا ل وه‌لاتێ لبنانێ به‌شدارببیت.
پارێزگارێ دهوكێ دادیاركرن ژی كۆ ب پشته‌ڤانییا به‌رده‌واما حكومه‌تا هه‌رێما كوردستانێ كه‌رتێ وه‌رزشی پێشڤه‌چونێن دیار بخوڤه‌گرتینه و و جهێ خهوشحالییێ یه كۆر و كچێن پارێزگه‌ها دهوكێ ژی شیاینه د قاره‌مانییێن جودادا ناسناڤێن جوراوجو لسه‌ر ئاستێ عیراقێ و هه‌رێما كوردستانێ بده‌ستڤه بینن.