zagros news agency

نووسینگەی سەرۆکوەزیرانی عێراق: زەیدی و شەرع گفتوگۆ لەبارەی پەیوەندییە دووقۆڵییەکان دەکەن


نووسینگەی سەرۆکوەزیرانی عێراق، ئەمڕۆ چوارشەممە ڕایگەیاند کە عەلی زەیدی، سەرۆکوەزیران لەگەڵ ئەحمەد شەرع، سەرۆکی سووریا کۆدەبێتەوە و گفتوگۆ لەبارەی پەیوەندییە دووقۆڵییەکانی نێوان هەردوو وڵات ئەنجام دەدەن.

لە ڕاگەیەندراوێکی نووسینگەکەدا کە دەست ئاژانسی هەواڵی عێراقی (واع) کەوتووە، هاتووە: “لە فڕۆکەخانەی نێودەوڵەتیی دیمەشق لە پایتەختی سووریا، مەراسیمی پێشوازیی فەرمی بۆ عەلی فالح زەیدی، سەرۆکی ئەنجومەنی وەزیران بەڕێوەچوو و لەلایەن ئەحمەد شەرع، سەرۆکی سووریاوە پێشوازیی لێکرا، هاوکات لە مەراسیمەکەدا پاسەوانی شەرەف نمایش کرا.”

هەروەها ئاماژە بەوەش کراوە: “سەرۆکوەزیران گفتوگۆی دووقۆڵی لەگەڵ سەرۆکی سووریا ئەنجام دەدات کە تێیدا تیشک دەخرێتە سەر پەیوەندییە دووقۆڵییەکان و شێوازەکانی پتەوکردن و پەرەپێدانیان لە بوارە جیاوازەکاندا. هەروەها هەردوو لا سەرۆکایەتیی کۆبوونەوەی فراوانی شاندی هەردوو وڵات دەکەن، بە مەبەستی تاوتوێکردنی هاریکاریی هاوبەش بە جۆرێک کە خزمەت بە بەرژەوەندییەکانی هەردوو گەل و وڵاتی برا بکات.”

هەواڵی پەیوەندیدار

سەرۆکی حکومەت پێشوازی لە باڵیۆزی بەریتانیا لە عێراق دەکات

سەڵاح

جێگری وەزیری دەرەوەی ئەمریکا سەردانی بەغدا و هەولێر دەکات

یاسین

سه‌رۆكی ئه‌مریكا، حووسییەکانی خستەوە ناو لیستی تیرۆر

سەڵاح