ڕێبوار حەمەلاو شوانى
لە کاتێکدا ناوچەکە و جیهان بە قەیران جەنگ و سیاسى قووڵدا تێدەپەڕێت ، ئەمڕۆ پرسى گۆڕانکارییە ژینگەییەکانى و ڕووداوەکان و زیانەکان بە هۆى گۆڕانکارى کەشوهەواوە رۆژ بەرۆژ زیاتر وکاریگەرتر دەبن، لەو رووەوە ، ئەرکى وڵاتانى ناوچەکە و جیهان قورستر دەکات بۆ ئەوەى بەرپرسیارانە لەگەڵ ئەو پرسە گرنگە کە پەیوەستە بە ژیانى ئابوورى و تەندروستى و داهاتووەوە مامەڵە بکەن ، هەرێمى کوردستانیش لە ناوچەیەکدایە کە بەدەر نییە لە کاریگەرى گۆڕانکارییە ژینگەییەکان وئاو وهەوا و ساڵانە بەهۆى ئەو گۆڕانکارییانە زیانى ماددى و گیانى زۆرى بەر دەکەوێت
لەڕووەوە بۆ ئەمساڵیش هەرێمى کوردستان بە سەرۆکایەتى نێچیرڤان بارزانى ،سەرۆکى هەرێم ، بەشدارى لە 31هەمین لووتکەى ئاووهەوا دا کردووە کە تێیدا 102 سەرکردە لە شەش کیشوەرى جیهان بەشداریان کردووە و چاوەروان دەکرێت لایەنە بەشداربووەکانى ئەم کۆنفرانەسە ڕێککەوتننامەیەک لە چوارچێوەى نەتەوەیەکگرتووەکان تایبەت بۆ پرسى گۆڕانکارى لە ئاووهەوا واژۆ بکرێت و پابەندى خۆیان بۆ ڕێگریکردن لە زیانە ژینگەییەکان دووپات بکەنەوە . لەنێو ئەو لووتکەیە دا زیاتر لە 95 سەرکردەى وڵاتانى ناوچەکە و جیهان و 7 ڕێکخراوى نێودەوڵەتیی لە سەر ئاستى سەرکردە بەشدارییان کردووە . ئەم کۆنفرانسە لە ناوچەى ئانتاڵیاى تورکیا بەڕێوەدەچێت کە تێیدا 196 کەس ئەندامن لە نێو ئەو ڕێککەوتننامەیە کە لە چوارچێوەى نەتەوەیەکگرتووەکانن بۆ گۆڕانکى ئاووهەوا و یەکێتیی ئەورووپا کۆیان دەکاتەوە
پێشوازیکردن لە نێچیرڤان بارزانى لەلایەن ڕەجەب تەییب ئەردوغان سەرۆککۆمارى تورکیا ، هاوشێوەى سەرۆکى وڵاتێکى سەربەخۆ و بەشداریکردنى سەرۆکى هەرێمى کوردستان ، نێچیرڤان بارزانى ، لەو لووتکە جیهانییەدا ، ئاماژەیە بە بایەخ و سەنگ و پێگەى هەرێمى کوردستان لە ناوچەکەدا بەتایبەت ، کە لەماوەى رابردوودا، هەرێمى کوردستان هەنگاویی گرنگ و ستراتیژى گەورەى بۆ پارێزگاریکردن لە ژینگە و بەرفراوانکردنى ژینگەى سەوزایی و دارستانەکان و کەمکردنەوەى بەکارهێنانى موەلیدەکان و بەکارهێنانى وزەى سەوز ، هەموو ئەمانە ئاماژەن کە کوردستان بەهۆى ڕووبەر و سروشتە جوگرافیا پڕبایەخەکەى لە سەنگەرى پێشەوەى پێشوازیکردنە لە هەر هەنگاوێک بۆ پاراستى ژینگە و کەشو هەوا
لە سەر ئاستى سەرکردەکانى جیهان ، نێچیرڤان بارزانى ،سەرۆکى هەرێمى کوردستان بەشدارى لە لووتکەى ئاوهەوا کە بە COP31 ناسراوە ، لە نێو سەرکردەکانى جیهانى وەک وڵاتانى ئەورووپایی و ئاسیایی و ئەفریقایی و ڕووسیا و ئەمەریکا شدا ، هەرێمى کوردستان جێگە وپێگەیەکى دیارى هەیە ، ئەم کۆنفرانسە بە باڵاترین دەستەى بڕیاردانى UNFCCC نەتەوەیەکگرتووەکان دادەنرێت کە ساڵى 1992 پەسەند کراو . گشت دەوڵەتەکانى لایەنگرى ڕێککەوتننامەکەن ، نوێنەرایتیان هەیە و ساڵانەش پێداچوونەوە بە جێبەجێکردنى ڕێککەوتننامەکە دەکرێت و پێشکەوتنەکانى جیهانى هەڵسەنگاندنى بۆ دەکرێت و بڕیارى پێوستیش بۆ هاندانى وەڵامدانەوەیەکى کاریگەر و هەماهەننگ بۆ گۆڕانکارى ئاوهەوا وەردەگیرێت و بڕیارەکانیش بە کۆدەنگى 196 وڵات و یەکێتیی ئەورووپا نوێنەرایەتى دەکرێن
لێرەدا ، ئەوەى جێگەى هەڵوەستەکردنە ، هەرێمى کوردستانیش لە ساڵانى رابردوو بە ئێستاشەوە ، هەمیشە زیان و قوربانى گەورەى بەهۆى گۆڕانکارى کەشوهەوا و ئینجا رووداوى لافاو و کارەساتە سروشتییەکانەوە بەرکەوتووە و لەوڕووەوە بەشداریکردنى سەرۆکى هەرێمى کوردستان و سەرنج خستەسەر ئەو بابەتە و هەروەها هەوڵەکانى حکوومەتى کوردستان بۆ پارێزگارى لەسرۆشت و ژینگە و ئاوى کوردستان و ئینجا بەدەستهێنانى پشتیوانى نێودەوڵەتى بۆ هەرێمى کوردستان گرنگى وبایەخى بەشداریکردن دەبیت لەو کۆنفرانسە جیهانییەدا
ئەوەى گرنگە ئەوەیە ، هەوڵەکانى وەڵاتان بۆ کەمکردنەوەى دەردانى گازە چڕەکان ، ئینجا سنووردارکردنى بەرزبوونەوەى پلەکانى گەرماى جیهان بە 1.5 پلە بەراوەرد بە قۆناغى پێش پێشەسازى پێوستە ، هاوشێوەى لووتکەکانى پێشووى کۆنفرانسى ئاوهەوا دەبێتە لە تەوەرە هەر لەپێشینەکانى گفتوگۆکانى COP31 بێت