نەرویج، ئیرلەندا و ئیسپانیا ئەمڕۆ ٢٨ی مانگی مای بە فەرمی دان بە بوونی دەوڵەتی فەلەستین دادەنێن.
لەکاتێکدا لایەنگرانی فەلەستین به هۆی بڵاوبوونەوەی ئەم هەواڵە دڵخۆشیی خۆیان ڕاگەیاندووە، ئێسڕائیل تۆڕەیی خۆی بەم ڕووداوە نیشان داوە و وێرای بردنەوەی باڵیۆزانی خۆی لەم سێ وڵاتە، ئەم وڵاتانەی بە پێدانی خەڵات بە تیرۆریزم تۆمەتبار کردووە.
سەرۆکوەزیرانی نەرویج، پێشترێ گوتبووی ئەگەر دەوڵەتی فەلەستین بە فەرمی نەناسرێت، خۆرهەڵاتی نێوەڕاست ئاشتی بە خۆیەوە نابینێت.
سیمۆن هەریس، سەرۆکوەزیرانی ئیرلەنداش ئەم ڕۆژەی بە ڕۆژێکی مێژوویی بۆ خەڵکی ئیرلەندا و فەلەستین نێو بردووە و وەزارەتی دەرەوەی ئەڵمانیاش پێشتر گوتبووی بوونی دوو وڵاتی ئیسرائیل و فەلەستین دەبێتە هۆی دەرچوونی خۆرهەڵاتی نێوەڕاست لە قەیران.
هەواڵی پێشوو