بەهۆی بەرزیه کوالێتی بەرهەمەکانی زۆم، لەماوەی کەمتر لە سالێکدا توانی لەسەر ئاستی عێراق خەڵاتی باشترین بەرهەم بەدەست بهێنت.
نێوەندی بازرگانی نێودەوڵەت (ITC)، لە ڕۆژانی ۱۹ و۲۰ی شوباتی ٢٠٢٤ لە بەغدادی پایتەختی عێراق، دووەمین کۆڕبەندی بازرگانی نیشتمانی عێراقی بە پاڵپشتی یەکێتی ئەوروپا و بە بەبەشداری ٤٠٠ کۆمپانیای عێراقی بەڕێوەبرد.
پاش نمایشکردنی بەرهەمە نێوخۆییەکانی پارێزگاکان لە کۆڕبەندەکە، کارگەی زۆم بۆ بەرهەمە شیرەمەنیەکان خەڵاتی باشترین بەرهەمی عێراقی لە ڕوانگەی بەرپرسیارێتی کۆمەڵایەتی وەرگرت.
هەروەها کۆمپانیای زۆم ٣ بڕوانامەی ئایزۆی نێودەوڵەتی لە بوارەکانی سیستەمی بەڕێوەبردنی سەلامەتی خۆراک، تەندروستيى و سەلامەتى پيشەيى، و سیستەمی بەڕێوەبردنی کوالیتی بەدەست هێناوە. ئەمەش ئاماژەیە کە کۆمپانیای زۆم خۆی لەگەل کوالیتی و ستاندەردە نێودەولەتیەکان گونجاندووە.
