ئاژانسی تایمز ئۆف ئیسرائیل لەسەرزاری سوپای ئەم وڵاتەوە بڵاویکردەوە، لە حەوتی ئۆکتۆبەری ساڵی رابردووەوە زیاتر لە ١٩ هەزار مووشەکی جۆراوجۆر ئاڕاستەی ئیسرائیل کراوە.
سوپای ئیسرائیل ئاماژەی بەوەش کردووە، بەشی زۆری ئەو مووشەکانەی ئاڕاستەیان کراون سەرچاوەکەی بزوتنەوەی حەماس و کەرتی غەززە بووە. بەشێکی دیکەی مووشەکان لەلایەن گروپی حیزبوڵای لوبنانی، حووسییەکانی یەمەن و گروپە چەکدارەکانی عێراق و سوپای پاسدارانی ئێرانەوە هاویشتراون.
بە پێی ئەم هەواڵە، زۆرینەی مووشەکەکان پێش گەیشتنیان بەئاسمانی ئیسرائیل تێکشکێندراون.
ئیسرائیل بۆ بەرپەرچدانەوەی هێرشی مووشەکی لە تەکنۆلۆژیایەکی دەستکردی خۆی بە ناوی گومبەزی ئاسنین کەڵک وەردەگرێت.
تەنیا لە کاتی هێرسی ڕێژنهئاسای مووشکان بۆسەر گۆمبەزی ئاسنین بەشێکی کەم لە مووشەکان لەم سیستەمە بەرگرییە تێدەپەڕن و لە ئامانجیان نزیک دەبنەوە.