پۆلیسی هه‌ولێر رایگه‌یاند، دوێنێ شه‌و، یەکشەممە 2024.6.16، ئومێد خۆشناو، پارێزگاری هەولێر، بەمەبەستی جەژنەپیرۆزە و لەنزیکەوە ئاگاداربوون لەڕەوشی ئارامی شار و پاراستنی سەر و ماڵی هاوڵاتییان و کێشە و گرفت و بەهاناوەچوونیان لەهەر ڕووداوێکی نەخوازرا و ئەنجامدانی تاوانێک لەڕۆژانی جەژنی قوربانی پیرۆز، سەردانی بنکەی (104) هێڵی گەرمی پۆلیسی فریاکەوتنی ھەولێری کرد.
پۆلیسی هه‌ولێر وتیشی، بەرێزپارێزگاری هەولێر، وێڕای جەژنە پیرۆزە، ستایشی هەوڵ و ماندووبوونی سەرجەم هێزەکانی پۆلیس ودەستخۆشی لە بەڕێوەبەر و ئەفسەر و كارمەندان كرد لە بەرامبەر جێبەجێكردنی ئەركەكانیان، بەتایبەتی لە ڕۆژانی جەژن.
