لە درێژەی یارییەکانی گەڕی سێیەمی قۆناغی کۆمەڵەکانی جامی یۆرۆ. هەردوو هەڵبژاردەی سلۆڤاکیا و ڕۆمانیا ڕووبەڕووی یەکتر بوونەوە.
لە ئەنجامدا یارییەکە بە یەکسانی و بە گۆڵێک بۆ هەرلایەکیان کۆتاییهات.
لە تایمی یەکەمدا، هەڵبژاردەی سلۆڤاکیا باشتر دەرکەوت و کۆنتڕۆڵی تۆپ زیاتر لای ئەو هەڵبژاردەیە بوو، لە خولەکی 24دا یاریزان ئۆندرێ دۆدا تۆڕی گۆڵی ڕۆمانیای هەژاند و هەڵبژاردەکەی بە گۆڵێک پێشخست،
دوای ئەوە ڕۆمانیەکان دەستیان بە هێرشبردن کرد و ناوبژیوان لێدانێکی سزای بۆ هەژمارکردن، ئەوەبوو یاریزان ڕەزڤان مارین بە سەرکەوتوویی جێبەجێکرد و گۆڵی بەرامبەری تۆمارکردەوە.
لە تایمی دووەم، هەردوو هەڵبژاردە چەندین گۆڕانکاریان بە یاریزانەکانی کردن بۆ تۆمارکردنی گۆڵی زیاتر،
بەڵام هەوڵەکانیان بێ ئاکام بوون هیچکامیان سەرکەوتوونەبوون و یارییەکەش بەو شێوەیە مایەوە.
لە یارییەکەی تری هەمان کۆمەڵەشدا، ئوکرانیا و بەلجیکا بەرامبەر یەکتر یارییانکرد،
ئەو یارییەش بە یەکسانی و بەبێ هیچ گۆڵێک بۆ هەردوولا کۆتاییهات.
بەم ئەنجامە، هەردوو هەڵبژاردەی ڕۆمانیا بە پلەی یەکەم و بەلجیکا بە پلەی دووەم سەرکەووتن بۆ قۆناغی داهاتووی جامەکە.