zagros news agency

وادەی دەستپێکردنەوەی گەشتەکانی عومرە ئاشکرا دەکرێت

به‌رێوه‌به‌رایه‌تی گشتی حه‌ج و عومرەی هەرێمی کوردستان لە ڕاگەیاندراوێکدا ئاشکرایکرد، ئاگاداری سه‌رجه‌م كۆمپانیاكانی عومڕه‌ له‌ هه‌رێمی كوردستان ده‌كه‌ینەوە كه‌ تاوه‌كو 21-7-2024، عومڕه‌ به‌ هه‌ردوو رێگه‌ی ئاسمانی و وشكانی ده‌ست پێ ناكاته‌وه‌ و هه‌ر كۆمپانیایه‌كیش پێش ئه‌م وادەیە ده‌ست بكاتەوە به‌ گواستنه‌وه‌ی عومڕه‌كاران ئه‌وا  به‌سه‌رپێچی هه‌ژمار ده‌كرێت.

لە ڕاگەیاندراوەکەدا ئەوەش هاتووە، به‌رێوه‌به‌رایه‌تی گشتی حه‌ج و عومڕه‌ به‌ مه‌به‌ستی رێكخستنی زیاتر و خزمه‌تكردنی باشتر بۆ عومڕه‌كاران بۆ ئه‌مساڵ پلانێكی تازەی دارشتووه‌ بۆ به‌ره‌و پێشبردنی پرۆسه‌ی عومڕه‌ له‌ هه‌رێمی كوردستان و سه‌ر له‌ نوێ گرێبه‌ست له‌گه‌ڵ كۆمپانیاكانی عومڕه ده‌کاتەوە، بۆیه‌ هیچ كه‌سێك بۆی نییه‌ گه‌شتی عومڕه‌ تاوه‌كو ئەو وادەیە بکات.

لێره‌ دووباره‌ ئاگاداری سه‌رجه‌م كۆمپانیاكانی عومڕه‌ له‌ هه‌رێمی كوردستان ده‌كه‌ین كه‌ هیچ كۆمپانیایه‌ك بۆی نییه‌ ریكلام بۆ رێكخستنی گه‌شتی عومڕه‌ بكات پێش 21-7-2024، هه‌ر كۆمپانیایه‌كیش رێكلامی كردبێت پێویسته‌ ده‌ستبه‌جێ ریكلامه‌كان رابگرێت به‌ پێچه‌وانه‌ ڕووبه‌رووی لێپێچینه‌وه دەبێت.

هەواڵی پەیوەندیدار

حزبوڵای لوبنان لە بەرزاییەکانی گوڵان هێرشی کردە سەر ئیسرائیل

سەڵاح

نرخى نەوت لە بازاڕەکانی جیهاندا بەرزبونەوەى تۆمار کرد

یاسین

وەزیری دارایی عێراق داوای ئامادەبوون لە بەردەم پەرلەمان دەکات بۆ ئاشکراکردنی ڕاستیی قەیرانی دارایی

یاسین