لە دووەم یاری پێش کۆتایی جامی نەتەوەکانی ئەوروپا، هەردوو هەڵبژاردەی هۆڵەندا و ئینگلتەرا بەرامبەر یەکتر یارییانکرد.
لە ئەنجامدا هەڵبژاردەی ئینگلتەرا توانی یارییەکە بە ڕیمۆنتادا و بە دوو گۆڵ بەرامبەر بە گۆڵێک شکست بە هۆڵەندا بهێنێت.
لە گێمی یەکەمدا هەردوو لا دەستیانکرد بە هەوڵەکانیان بۆ هەژاندی تۆڕی گۆڵی یەکتر، لە سەرەتاکانی یارییەکە و لە خولەکی 7دا هۆڵەندا دەستپێشخەری کرد و گۆڵێکی لەڕێگەی یاریزان سیمۆنس تۆمارکرد،
ئینگلتەرا بەوە ڕازی نەبوو هەوڵەکانیان چڕکردەوە تا ناوبژیوان لێدانێکی سزای بۆ هەژمارکرد و هاری کەین لە خولەکی 18 بە سەرکەوتوویی جێبەجێکرد و گۆڵی بەرامبەری تۆمارکردەوە.
لە گێمی دووەم، هەڵبژاردەی ئینگلتەرا بەردەوامبوو لە ئاستە بەرزەکەیان و کۆنتڕۆڵی تۆپ زیاتر لای ئەوان بوو، هەروەها چەندین گۆڕانکاریان ئەنجامدا و لە گۆڕانکاریێکی سەرکەوتووی ساوسگەیتدا یاریزان ئوڵی واتکینس دوای دە خولەک لە یاریکردنی توانی لە خولەکی یەکی زیادکراوی ئەو گێمەدا گۆڵی دووەم و پێشکەوتنی شێرەکانی ئینگلتەرا تۆمارکرد.
بەم سەرکەوتنە، هەڵبژاردەی ئینگلتەرا لە یاری کۆتایی ڕووبەڕووی ئیسپانیا دەبێتەوە و هۆڵەنداش ماڵئاوایی لە جامەکە کرد.