سەرۆکی ناوەندی ستراتیژیی بۆ مافەکانی مرۆڤ لە عێراق ڕایگەیاند یەک لەسەر چواری دانیشتوانی عێراق لە خانووی کرێ یان شوێنی نیشتەجێبوونی نەگونجاودا دەژین.
فازڵ غراوی، سەرۆکی ئەم ناوەندە دەڵێت؛ هەرچەندە حکومەتی عێراق بۆ چارەسەرکردنی ئەم کێشەیە چەند هەوڵێکی هەبووە، بەڵام تائێستاش پێویستی بە چوار ملیۆن یەکەی نیشتەجێبوونە بۆئەوەی قەیرانی نیشتەجێبوون لە وڵاتەکە چارەسەر بکرێت.
بەپێی داتاکانی نێوەندی ستراتیژیی بۆ مافەکانی مرۆڤ لە عێراق؛ بەغداد لەو پارێزگایانەیە کە زۆرترین ژمارەی کرێنشینی هەیە، دوای ئەو نەینەوا و لە پلەی سێیەمیشدا پارێزگەی بەسرە دێت.