هێزه‌كانی ئەمریکا ئاشكرایان كرد، شەش فڕۆکەی بێفڕۆکەوانی لە ناوچەیەکی ژێر دەسەڵاتی حووسییەکانی یەمەن تێکشکاندووە.
فەرماندەیی ناوەندی ھێزەکانی ئەمریکا (CENTCOM)، لە هەژماری خۆی لە ئێکس ڕاگەیاندراوێکی سەبارەت بە بابەتەکە بڵاوکردەوە، ئه‌وه‌ی خسته‌روو، هێزەکانی ئەمریکا لە ماوەی ٢٤ کاتژمێری رابردوودا لە ناوچەیەکی ژێر کۆنترۆڵی حووسییەکان شەش فڕۆکەی بێفڕۆکەوانی و سێ بەلەمی بێسەرنشینی لە کەناراوەکانی یەمەن لەناوبردووە.
لە ڕاگەیاندراوەکەدا باس لەوە کراوە کە ئەم چەکانە مەترسییان لەسەر کەشتییە بازرگانییەکانی ناوچەکە دروست کردووە و، ئەمریکا ئەم چالاکیيانە لە پێناو پاراستنی ئازادی گەشت و ئاسایشی ئاوە نێودەوڵەتییەکان ئەنجام دەدات.