لە پارێزگای نەینەوا، رۆژنامەنووسێك بەهۆی ئەوەی خۆی بە دادوەر ناساندبوو، سزای سێ ساڵ زیندانیكردنى بەسەر سەپێندرا.
ئەمڕۆ پێنجشەممە 1/8/2024، میدیاكانی عێراق بڵاویان كردەوە، دادگا سزای سێ ساڵ زیندانیكردنی بەسەر رۆژنامەنووس زیاد سەنجری، بەپێی مادەی 433 لە یاسای سزادانی عێراق سەپێندراوە.
روونیش كراوەتەوە، رۆژنامەنووسەكە خۆی بە دادوەر ناساندووە و پەیوەندیی باشی لەگەڵ بەرپرسانی باڵای حكوومیی عێراق هەیە، كۆمەڵێك بەڵگەنامە و نووسراوی نهێنیی حكوومی دزەی پێكردووە كە بڵاوكردنەوەیان قەدەغەیە.
رۆژنامەنووسەكە لە مانگی تەممووز، لەلایەن هۆبەی هەواڵگری لە پارێزگای نەینەوا، بە تۆمەتی خۆناساندن بە دادوەر دەستگیر كرا.
