تایبەت بە پرسى گرژییەکانى ئێستاى دۆخى رۆژهەڵاتى ناوەڕاست، سەرۆکى ئەمەریکا لەگەڵ تیمى ئاسایشی نیشتیمانى ئەمەریکا کۆدەبێتەوە.
کۆشکى سپى ئاشکرایکردوە؛ بڕیارە ئەمڕۆ جۆ بایدن، سەرۆکى ئەمەریکا لەگەڵ تیمى ئاسایشى نیشتیمانى وڵاتەکە کۆببێتەوە و دواتریش لەگەڵ شا عەبدوڵاى دوەم، شاى ئوردن قسە دەکات.
هەر لەبارەى ئەو گرژییانەى ئێستا رۆژهەڵاتى ناوەڕاستى گرتوەتەوە، بەرپرسێکى کۆشکى سپى ئەمەریکا ئاشکرایکردوە کە وڵاتەکە لە هەوڵى بەهێزکردنى توانا سەربازییەکانیدایە لە رۆژهەڵاتى ناوەڕاست ئەمەش وەک بەشێک لە بەرگریی و هاوکات هێورکردنەوە دۆخەکە ناودەبات.