بەڕێز/ محەمەد حاجی مەحموود سەرۆکی پارتی سۆشیال دیموکراتی کوردستان
بەڕێزان/ ئەندامانی مەکتەبی سیاسی و ئەنجوومەنی سەرکردایەتی
لە ساڵوەگەڕی دامەزراندنی پارتە تێکۆشەرەکەتان، گەرمترین پیرۆزبایی لە ئێوەی بەڕێز و ئەندامان و لایەنگرانتان دەکەین، هیوادارین لە لە هەوڵ و خەبات بەردەوام بن بۆ دەستبەرکردنی مافەکانمان و ئارامیی و ئاسوودەیی بۆ هەرێمی کوردستان.
پارتی سۆشیال دیموکراتی كوردستان، یەکێکە لەو پارتە تێکۆشەرانەی ڕۆڵی دیار و کاریگەر بووە لە خەباتی ڕزگاری خوازیمان و قۆناغی حوکمڕانی هەرێمی کوردستان، بەو بۆنەیەوە وێڕای بەرز نرخاندنی خەباتی درێژخایەنی حزبەکەتان، دووبارە جەخت دەکەینەوە سەر هەماهەنگی و هاریکاری نێوانمان و سەرجەم پارت و هێز و لایەنە سیاسییەکان بۆ پتەوکردنی بنەماکانی دیموکراسی و لێکتێگەیشتن و بەرقەراربوونی ئاشتەوایی و پاراستنی دەستکەوتەکان و قەوارەی هەرێمی کوردستان.
دووبارە پیرۆزباییتان لێدەکەین،هەر سەرکەوتوو بن.
مەکتەبی سیاسیی پارتی دیموکراتی کوردستان
8ی ئابی ٢٠٢٤