لە سنووری ناحیەی خەلەکان لە پارێزگای سلێمانی پاسێک وەرگەڕا و 11 کەس بریندار بوون.
نیوەڕۆی ئەمڕۆ شەممە رووداوێکی هاتووچۆ لە نزیک گوندی بادەوان لە ناحیەی خەلەکان لە پارێزگای سلێمانی روویدا.
تەندروستیی خەلەکان راگەیاند، “پاسێک وەرگەڕاوە و 11 کەس بریندار بوون کە برینی بەشێکیان سەختە”.
بەپێی زانیاریەکان، پاسەکە لە یەکێک لە هێڵەکانی سلێمانی کاردەکات و سەرجەم سەرنشینەکانی کوردن.