لە سەرەتای ساڵی ٢٠٢٤ەوە تا ئێستا ٤٠ هاووڵاتیی سووریا بە تەقەی سوپای تورکیا کوژراون و بریندار بوون.
ڕوانگەی سووریا بۆ مافی مرۆڤ بڵاویکردەوە، جەندرمە و پاسەوانانی سنووریی تورکیا لە کوشتن و ئەشکەنجەدانی خەڵکی سووریا بەردەوامن و لە سەرەتای ئەمساڵەوە تا ئێستا 12 کەسیان کوشتووە و 28 کەسی دیکەش برینداربوون و منداڵیشیان لە نێو دایە.
بەپێی زانیاریی ئەم سەرچاوەیە، لەماوەی چەند مانگی ڕابردوودا چالاکییەکانی سوپای تورکیا و حکومەتی ئەم وڵاتە لەدژی خەڵکی سووریا بەشێوەیەکی بەرچاو زیادی کردووە و هەزاران خێزانی ئاوارە لەم وڵاتەوە بە زۆرەملێ بۆ سووریا گەڕێنراونەتەوە.
