پرۆسەی گرتنەبەری ڕێوشوێنی یاسایی بەرانبەر پاڵاوگە نایاساییەكان و ئەوانەی مەرجی ژینگەییان تێدا نییە، بەردەوامە و تا كۆتاییهێنان بە سەرپێچییەكان ناوەستێت.
هێمن قادر، جێگری پارێزگاری هەولێر، بە فەرمانگەی میدیا و زانیاریی ڕاگەیاند: “پرۆسەی لێپرسینەوە و پشكنین و داخستنی پاڵاوگە نایاساییەكان بەردەوامە و كۆتایی نەهاتووە، ئێستا لە ڕێگەی گوێڕ ڕێوشوێنی توند بەرانبەر پاڵاوگە نایاساییەكان گیراوەتە بەر”.
