جواو فیلیکسی هێرشبەری پورتوگالی ڕووی لە یانەیەکی نوێ کرد و گەشتەکەی لەگەڵ ئەتلەتیکۆ مەدرید کۆتاییهات.
ئێوارەی ئەمڕۆ چوارشەممە، لە بەیاننامەیەکی فەرمیدا یانەی چێڵسی ڕایگەیاند، گرێبەستەکەی لەگەڵ فیلیکس بۆ ماوەی ٦ ساڵ مۆرکردوە.
بەپێی چەند ڕاپۆرتێک، گرێبەستی گواستنەوەی فیلیکس بۆ بلوز 44.5 ملیۆن پاوەند بووە.
ئەو یاریزانە پورتوگالییە پێشتر تەنها بۆ ماوەی 6 مانگ درێسی یانەی لەندەنی پووشی، دوای ئەوەی لە سەرەتای ساڵی ڕابردوودا بە خواستن لە یانەی ئەتلەتیکۆ وەرگیرا.
فێلیکس دوای گواستنەوەی بۆ یانە ئینگلیزییەکە وتی: پێشتر کاتی خۆشم لێرە بەسەربرد، بە هاوڕێ و خێزانەکەمم وت کە حەز دەکەم ڕۆژێک بگەڕێمەوە بۆ خولی نایابی ئینگلیزی.
ئاماژەی بەوەشکرد، ئەنجامدانی ئەم کارە لەگەڵ چێڵسی هەستێکی نایابم پێدەبەخشێت، دڵخۆشم کە گەڕامەوە.