لە سەرەتای ئەمساڵەوە تورکیا 96 جار باکوری ڕۆژهەڵاتی سوریا و ڕۆژئاوای کوردستانی بۆمباباران کردووە.
ڕوانگەی سووریا بۆ مافەکانی مرۆڤ بڵاویکردەوە، هێرشی تورکیا بۆ سەر ڕۆژئاوای کوردستان و باکووری ڕۆژهەڵاتی سووریا بەردەوامە و لە سەرەتای ساڵی 2024ەوە تا ئێستا 96 هێرشی فڕۆکەی بێفڕۆکەوانی لە ناوچەکە کردووە و لە ئەنجامدا زیانی گیانی و ماددیی لێکەوتووەتەوە.
بەگوێرەی ئەم سەرچاوەیە، 71 فڕۆکەی بێفڕۆکەوان گوندەکانی حەسەکە و 21 فڕۆکەی بێفڕۆکەوان لە دەوروبەری حەلەب و 4 فڕۆکەی بێفڕۆکەوان گوندەکانی ڕەققەیان بۆمباباران کردووە و لە ئەنجامدا 33 کەس کوژران و 28 کەسی دیکەش بریندار بوون و هاووڵاتیانی مەدەنیشیان تێدایە.