لە یاریێکی تری نەیشینزلیگدا ، هەڵبژاردەی ئەڵمانیا لە یاریگای مێرکور سفیل ئارینا ڕووبەڕووی هەنگاریا بوویەوە.
لە ئەنجامدا هەڵبژاردەی مانشافت بە ئەنجامێکی گەورە و بە پێنج گۆڵی بێبەرامبەر شکستی بە هەنگاریا هێنا.
لە گێمی یەکەمدا و لە خولەکی 27دا هەڵبژاردەی ئەڵمانیا توانی گۆڵێک لە ڕێگەی فولکروگ تۆماربکات، دوای ئەوە چەندین هەوڵی تریاندا بەڵام ئەو تایمە بەو شێوەیە مایەوە.
لە دووەم گێمدا ئەڵمانیا دەستیکرد بە کەرنەڤاڵی گۆڵکردن و توانیان چوار گۆڵ لەلایەن یاریزانان موسیالا، ڤێرتز، پاڤلۆڤیچ و کەی هاڤێرتزەوە لە خولەکی 57، 66، 77 و 81 تۆماربکات.
بەم سەرکەوتنە، ئەڵمانیا بووە خاوەن سێ خاڵ شانبەشانی هۆڵەندا، بەڵام بە جیاوازی گۆڵ لە پێشەنگ گرۆپەکەیەتی.